أكدت الفنانة كارمن سليمان أنها تخضر لمفاجآت عدة لجمهورها ستعلن عنها خلال الفترة المقبلة، وقالت كارمن إن الفترة الماضية مرت بظروف صعبة، وإن هناك أشياء عطلتها عن حلمها ومشروعها الفنى.
وكتبت كارمن على صفحتها بموقع التواصل الاجتماعى “فيس بوك”: “تقريباً حوالى 4 سنين فاتوا من لحظة فوزى بلقب “آراب أيدول” لحد دلوقتى ومن وقتها وإحنا عيلة واحدة وأصحاب حققنا نجاحات كتير مع بعض وعدينا ظروف صعبة برضو مع بعض وربنا يديمها علينا نعمة”.
وأضافت كارمن: “لأنى عمرى ما كنت ولا هكون من نوع الناس اللى بتتاجر بمشاكلها ،وتستغل محبة الناس عشان توصل لأهدافها، فكان ولا بد أن أصبر ،وأعدى حاجات كتير ، وأشيل الحمل لوحدى بكل مرارته وقسوته ، وأسيبلكم الحلو والمفرح منه لأنكم ماتستاهلوش منى غير كل الحلو والحب والخير”.
وتابعت: “فى اعتراف لأول مرة هقولكم إن فيه حاجات كتير جداً جداً، خارجة عن إرادتى تماماً، عطلتنى عن حلمى ومشروعى الفنى وكنت بحاول بكل جهدى مازعلش حد منى وأصبر نفسى ، وأقول الجاى أحسن، بس بييجى فى حياة كل واحد فينا وقت، وبنقول “كده كفاية”، نقطة ومن أول السطر مش هتنازل عن لحظة واحدة حقى وملكى على أساس أى حسابات لا داعى لذكرها”.
واللحظة دى كانت من أواخر سنة 2015 وأول السنة الجديدة 2016 وقررت إن مفيش حاجة هتعطلنى عن حلمى ولا فيه لحظة هتضيع بسبب غلطات ماليش أى ذنب فيها”.
واختتمت: “بوعدكم من اللحظة دى بعون الله ومشيئته بمفاجآت ومشاريع فنية وأغانى ،وحاجات تليق بيكم وبحلمنا الكبير وأولها فى البوست اللى جاى”.
أضف تعليقك