انستجرام

أخر الاخبار رئيسى سينما مشاهير

آسر ياسين: يستأنف تصوير فيلم شماريخ

استأنف الفنان اَسر ياسين، تصوير دوره في فيلم “شماريخ” بعد توقف طويل عقب وفاة الفنان مصطفى درويش أحد أبطال العمل، وأكد إنه يجسد شخصية رجل قرر أن يتطهر من كل آثام الماضي، ويكتشف أن الثمن قد يكون حياته، وتحدث آسر عن تعاونه مع أمينة خليل بطلة الفيلم.

أضاف آسر ياسين خلال لقائه ببرنامج «arab wood»: بجسد شخصية راجل بيشتغل في حاجات مش كويسة وقرر أنه يتطهر من كل دا ويتوب عن ماضيه والرحلة دي قصادها تمن والتمن دا ممكن يكلفه حياته، وحياة ناس حواليه، وبنشوف الرحلة دي عاملة ازاي، وهي عبارة عن رحلة شماريخ.

وعن تفاصيل تعاونه مع الفنانة أمية خليل: أنا وأمينة صحاب جداً وبنعرف نشتغل مع بعض كويس وكميتنا فعلا حلوة مع بعض، وفي فيلم شماريخ بنشتغل مع بعض بشكل كبير وفيه مشاهد بتجمعنا وبستمتع بالشغل معاها.

وقال آسر ياسين عن الفنان الراحل مصطفى درويش: بقينا صحاب جدا بعد 100 وش.. وبقيت بتفاءل بيه ونجحنا سوا في سوتس بالعربي.. ومبسوط إن آخر حاجة عملها هي فيلم شماريخ.. وهو في حتة أحسن أكيد.

ويشارك في بطولة “شماريخ” آسر ياسين، أمينة خليل، خالد الصاوي، محمد ثروت، سالي حماد، آدم الشرقاوي، مصطفى درويش، وعدد من النجوم ضيوف شرف، والفيلم من تأليف وإخراج عمرو سلامة.