كشفت الفنانة إيمى سمير غانم، أنها فوجئت بانتشار أخبار على السوشيال ميديا بأنها مريضة، وهذا الأمر غير حقيقي.
وأضافت خلال لقائها في برنامج “تعشب شاى” على قناة “DMC” قائلة: “الموضوع بدأ إني سافرت لحضور حفل زفاف الفنان عمرو يوسف، ولما رجعت من السفر فوجئت بأن السوشيال ميديا بتروج لشائعات إني حامل”.
وتابعت قائلة: “بعد الأخبار دي فاجأة لقيت نفسي مناعتي ضعفت وقعدت في البيت 3 شهور، أصيبت بأنيميا، وبقيت أدوخ وضربات القلب سريعة وأنزيمات الكبد عندي ارتفعت، بقى عندي مليون حاجة، وأنا عشان فرفورة متحملتش، لكن ده مرض عادي والله أكبر مش عندى حاجة وحشة، لكن الناس بتقر عليه وإني عندى حاجة وحشة”.
واشارت قائلة: “ماما وبابا راحوا برنامج شيماء سيف وقالوا انى تعبانه شوية، واتعرضت الحلقة متأخرة شهر ونصف كنت اتحسنت، وانا لغايت دلوقت بتابع مع الدكتور لان مناعتى ضعيفة، انا اخدت عين بالقر الكتير، عين بزيادة، خلونى حامل وبعدها خلونى مريضة، فحرام عليهم وانا بكرة السويشيال ميديا بسبب الشائعات دى”.
