مرة جديدة قام الملحن الموسيقي عمرو مصطفى بانتقاد الفنان المصري عمرو دياب، وكتب مصطفى عبر حسابه الخاص على احد مواقع التواصل الإجتماعي التالي: “ورحمة أبويا أنا لا عايز أشتغل مع عمرو دياب، تاني ولا فارق معايا، ولا بحب أجيب سيرته في برنامج لولا المعدين المتخلفين إلي بيقحموا اسمه معايا في جمله مفيدة، خلصنا بقى مرحلة وعدت”.
“أقسم بالله العظيم لو دفعلي مليون جنيه في اللحن ما هشتغل معاه تاني، أنا بحبه وبحترمه ويا رب يكسر الدنيا أول واحد هيفرحله، اتلموا بقى وسيبوني في حالي وفي موسيقتي الفتره القادمة، وعلشان ترتاحوا إلي هيجيب اسمه في أي برنامج مستضفني هسيب البرنامج وأقوم أمشي”.
“في أيه خلاص عملتله تاريخ وخلصنا، ولو بتحبوه قوي قولوله ميغنيش أغنيا تاني وشيلوها من اليوتيوب ومتسمعهوهاش تاني عقاباً ليا”.
“كل واحد هيكتب كومنت فيه أي أساءه سيتم تبليغ مباحث الانترنت وأقسم بالله لن أتنازل عن أي بلاغ أو تعويض ده آخر تحذير للجان شقه الجيزة مفهوم يا هضبة”.
عمرو مصطفى عن الهضبة: عمتله تاريخ وخلصنا
