وجه الفنان الشاب محمد إمام رسالة للفنان أحمد السقا، قائلاً له “أنا بحبك أوى يا سقا”، ومهنئاً إياه بنجاح فيلمه الجديد فى السوق “من 30 سنة”.
وقال محمد إمام معلقاً على صورة نشرها عبر حسابه الرسمى بموقع التواصل المصور “إنستجرام”: “أنا هقول حاجة لوجه الله وربنا شاهد على كلامى، أنا طول عمرى بحب أحمد السقا جداً وبعتبره بجد زى أخويا الكبير.. هو الممثل الوحيد فى جيله اللى حضرت له تقريباً كل أفلامه فى السينما من كتر حبى فيه… لما ابتديت امثل كان من امنيات حياتى إنى اشتغل معاه، ومن اكتر المرات اللى فرحت فيها لما هو اللى اخترنى بنفسه علشان أعمل دور أخوه الصغير فى مسلسل خطوط حمرا اللى مازال من اكتر الأدوار اللى بحبها وفرقت معايا فى شغلى علشان خاطر وقفت قدام أحمد السقا”.
وأضاف “أنا بحبك أوى يا سقا ومبروك النجاح العظيم لفيلمك الجديد ومن نجاح لنجاح دايماً يا حبيبى”.
