كشفت الفنانة نيرمين الفقي علي الهواء في برنامج “بيت العائلة ” علي قناة النهار الفضائية مع الاعلامية نجوي ابراهيم سر عدم زواجها حتى الآن.
وقالت الفقي عن سبب عدم زواجها ” أنه لا يوجد في حياتي أي قصة حب نهائيا ، وكان في البداية ناس بتتقدم ليا كويسين ، ولكن أمي كانت بترفض من حبها ليا كانت دايما بترفض كل اللي بيتقدموا ليا ، وانا عشت حياتي بدون راجل ، ولما فتحت الباب شوية أتأذيت كتير “.
وأضافت ” أن مواصفات الراجل المثالي في نظرها ” أنا بحب الرجل المحترم جدا ، مش اللي فاتح صدره عالفاضي ، وأوحش حاجة الراجل الكذب، والراجل راجل في تصرفاته وأخلاقياته”.
ودخلت الفنانة نيرمين الفقي في نوبة من البكاء عندما طالبت منها الاعلامية نجوي ابراهيم توجيه رسالة الي والدتها المتوفية في عيد الأم .
كانت رسالة نيرمين لوالدتها وهي تبكي ” أنا هقول لماما كل سنة وأنتي طيبة .. وأنتي وحشتيني قوي ، ومفيش أحسن من دعواتك ليا ، رغم كل اللي عملته مع أمي ، أفتكر بعض المواقف كان لازم أعملها أحسن من كده ” .
